Թուրքիան Հյուսիսատլանտյան խորհրդի նիստ է հրավիրում
Հյուսիսատլանտյան խորհուրդը, որում ընդգրկված են ՆԱՏՕ-ի 28 անդամ պետությունների դեսպաններ, Թուրքիայի առաջարկությամբ հուլիսի 28-ին նիստ է հրավիրում՝ Վաշինգտոնի համաձայնագրի 4-րդ հոդվածի շուրջ խորհրդակցություններ անցկացնելու նպատակով:
Վաշինգտոնի համաձայնագրի 4-րդ հոդվածի համաձայն, Դաշինքի անդամ յուրաքանչյուր երկիր կարող է նիստ հրավիրել ցանկացած պահին, երբ, այդ երկրի կարծիքով, վտանգված է իր տարածքային ամբողջականությունը, քաղաքական անկախությունը եւ անվտանգությունը:
Թուրքիան առաջարկել է հանդիպում հրավիրել երկրում վերջին օրերին տեղի ունեցած ահաբեկչական հարձակումների կապակցությամբ՝ տեղեկացնելու դաշնակիցներին իր կողմից իրականացվող միջոցառումների մասին:
«ՆԱՏՕ-ի անդամները մեծ ուշադրությամբ հետեւում են այս զարգացումներին եւ համերաշխ են Թուրքիայի հետ»,- ասված է ՆԱՏՕ-ի պաշտոնական հայտարարության մեջ: